Estancias en Balneario Spa Ourense

5 DÍAS / 4 NOITES 

ITINERARIO

DÍA1. CIDADEORIXE- OURENSE- CIRCUÍTOTERMAL 
Saída á hora indicada dirección a Ourense. Breves paradas en ruta. Chegada ao hotel para o xantar. Pola tarde gozaremos dun circuíto termal no balneario. Cea e aloxamento. 

DÍA 2. OURENSE - CIRCUÍTO TERMAL
Almorzo. Pola mañá visitaremos Ourense, urbe de orixe romana, que posúe un importante patrimonio relixioso e medieval. Na nosa visita faremos especial fincapé nos seus principais atractivos, como a ponte romana, a capela barroca do Santo Cristo, situada na catedral de San Martín e as burgas, a fonte de auga termal situada en pleno corazón da cidade, motivo principal polo que os romanos decidiron que este era un bo lugar para asentarse. Pasearemos pola súa alameda e teremos tempo de coñecer o seu mercado municipal. Xantar no hotel. Pola tarde gozaremos dun circuíto termal no balneario. 

DÍA 3. RIBEIRA SACRA- CRUCEIRO CANÓNS DO SIL 
Almorzo. Pola mañá, saída cara ao embarcadoiro de Santo Estevo de Ribas do Sil, onde comezaremos un cruceiro para coñecer o seu patrimonio e gozar da pasaxe que forman os canóns do Sil. Xantar en restaurante. 
Pola tarde continuaremos coa nosa visita percorrendo os principais mosteiros que lle dan o nome de Ribeira Sacra, como o mosteiro de Santa Cristina de Ribas do Sil e o mosteiro de Santo Estevo, actual parador de turismo onde poderemos facer unha visita polos seus claustros. Regreso ao hotel. Cea e aloxamento. 

DÍA 4. MOSTEIRO DE OSEIRA - CEA - CIRCUÍTO TERMAL 
Almorzo e saída cara ao mosteiro de Oseira para visitar, con guía, o coñecido como “o Escorial galego”. Destaca especialmente, a igrexa do mosteiro, da época medieval, exemplo da arquitectura cisterciense e unha das xoias arquitectónicas da provincia. A continuación dirixirémonos a Cea para visitar a localidade. Finalizaremos o día coñecendo un forno tradicional de pan de Cea, con degustación. Xantar no hotel. Durante a tarde realizaremos un circuíto termal no balneario. Cea e aloxamento. 

DÍA 5. CIRCUÍTO TERMAL - CIDADE DE ORIXE 
Almorzo e último día para gozar do circuíto termal no Balneario. Xantar no hotel. Pola tarde regreso á cidade de orixe. Chegada e fin dos nosos servizos.